अनुसन्धानकर्ताको अनुभव

मोनाले प्रस्तुतिको समयमा उत्तेजक कपडा लगाउँछिन् र ग्राहकहरूसँग नाच्छिन्। उनी छिटोछिटो नाच्ने संगीतमा प्रस्तुति दिन्छिन्, ग्राहकको काखमा नाच्छिन्। बदलामा ग्राहक खुसी भएर उनको लुगाभित्र पैसा राखिदिन्छन्। मोनाले ग्राहकहरूसँग रक्सी चुरोट खाँदै पनि समय बिताउँछिन्। ग्राहकहरूसँग कुराकानी गर्नुको अर्थ अक्सर उनीहरूको यौनेच्छा पूरा गर्नु पनि हुन्छन्। मोनाले एउटा ग्राहकसँगको रोमान्टिक सम्बन्धबारे बताउँदै गर्दा उनहरूको सम्बन्ध अन्तरंग भएको बताउँछिन्। ग्राहकहरूले मोनासँग उनको इच्छाविरुध्द जबरजस्ती गरेको अवस्थामा म्यानेजरले हस्तक्षेप गरेर ग्राहकहरूलाई बाहिर निकाल्छन्। मोनाले धेरै रक्सी पिउँछिन्, त्यसले कयौँ पटक उनी बान्ता गर्छिन्। रात छिप्पिँदै जाँदा उनको सम्झना शक्ति हराउँदै जान्छ र झन् धेरै नशामा हुन्छिन्। मोना रक्सी पिएपछि रुन थाल्छिन् र ग्राहकहरूले उनलाई सान्तवना दिन्छन्। उनले आफ्नो मन्जुरी बेगर ग्राहकलाई छुन दिँदिनन् र यदि कसैले छुने कोसिस गर्‍यो भने उनी त्यहाँबाट उठेर हिँडि हाल्छिन्। मोनाको सिधा र रिसाइहाल्ने स्वभावले ग्राहक र सहकर्मीहरूसँग झगडा भएको छ। रक्सी नखुवाउने वा पैसा नदिने ग्राहकसँग उनी बाझ्छिन्। साथै ग्राहकलाई आकर्षित गर्ने कुरामा अरु केटीहरूसँग टक्कर पर्छ। मोनाले काममा लामो समय बिताउने हुनाले घर वा परिवारलाई त्यति समय दिन पाउँदिनन्। मनोरन्जन गतिविधिहरूका कारण औषधि खाइरहेको बताए पनि यसबारे उनी विस्तृत बताउँदिनन्।