बालिकाको अनुभव

म बिहान ७ बजे उठ्छु । म बिहान ७ बजे उठ्छु। हामी बस्ने घरमा खानेपानीको सुविधा नभएकोले म पानी लिन जानुपर्छ। त्यसपछि म किराना सामान र तरकारी किनमेलको लागि जान्छु। बिहानको खाना म पकाउँछु र बेलुकाको खाना मेरो दिदीले पकाउनुहुन्छ। आज हाम्रो घरमा पाहुना छन् त्यसैले मैले उहाँका लागि पनि पकाउनुपर्छ। त्यसपछि म भाँडा सफा गर्छु र काममा निस्कन्छु। बिहान घरमा म चियामात्र पिउँछु किनभने मलाई ढिलो खाना खान मन लाग्छ। त्यसैले म खाना बोकेर काममा जान्छु।

बालिकाको अनुभव

म बिहान १० बजेर १० मिनेटमा काममा पुग्छु र राति साढे ८ बजेसम्म रहन्छु। आज व्यस्त दिन छ। धेरै ग्राहकहरू आएका छन् र मालिक गाउँ गएकाले मैले आफैँ यो ठाउँ सम्हालिरहेकी छु।

मसाज गर्दा निकै थाकिन्छ। मेरो हात पनि दुख्छ। एकपटक मेरो हात भाँचिएको थियो र अझै पनि यसले दुःख दिन्छ। त्यसैले, एकपछि अर्को मसाज गर्दा मैले बीचबीचमा आराम गर्नुपर्छ।

आज धेरै ग्राहकहरू आएका भएपनि म बीचबीचमा आराम गर्दछु। त्यसैले मलाई ठीक छ र दिनभरि सहज भएको छ। एउटापछि अर्को ग्राहकलाई गर्ने समयको बीचमा म साथीहरूसँग टिकटक भिडियो बनाउँछु। म नाच्छु र गीत गाउँछु। त्यसैले मलाई ठीक छ।

म बिहान अबेरतिर घरबाट ल्याएको खाना खान्छु र म खाजा पनि खान्छु। व्यवसायका मालिकले खाजा नदिने भएकाले खाजाको पैसा मैले नै तिर्नुपर्छ। यातायात खर्च पनि आफैले बेहोर्नुपर्छ तर खुसीको कुरा म नजिकै बस्छु र यो खर्चबारे चिन्ता गर्नुपर्दैन।

मैले आज निकै राम्रा ग्राहकहरू पाएँ, कुनै पनि अभद्र व्यक्ति आएनन् त्यसैले मैले आफूले सेवा दिँदा वा अरू कमचारीले सेवा दिँदा चिच्याउनु परेन। हाम्रो मसाज तथा स्पाभन्दा तल पहिलो तलामा एउटा होटेल छ। त्यहाँको धुवाँ र ग्राहकहरूले एकअर्काप्रति गर्ने छाडा गालीले समस्या उत्पन्न गर्छन् र कहिलेकाहीँ तिनीहरू रक्सी खाएर माथि आउँछन् र झगडा गर्छन्।

बालिकाको अनुभव

बिहान तरकारी र किराना सामान ल्याउने, खाना पकाउने र भाँडा धुने जिम्मा मेरो हो तर बेलुका मेरी दिदीले पकाउनु हुन्छ र मैले केहीबेर आराम गर्न पाउँछु।